चिखलदरा

सातपुडा पर्वतराजीतील समुद्रसपाटीपासून अंदाजे १११८ मी. उंचीवर चिखलदरा हे थंड हवेचे ठिकाण आहे.पांडव सातपुडा पर्वतराजीत वास्तव्याला होते असा उल्लेख प्राचीन ग्रंथात असल्यामुळे या ठिकाणाला खूप मह्त्व आहे.भीमाने कीचकाचा वध करून त्याला दरीत फेकून दिले तेव्हा हा भाग किचकदरा या नावाने ओळखला जात होता नंतर याचा अपभ्रंश होऊन चिखलदरा असे याचे नाव झाले.

चिखलदरा पासून जवळच मेळघाट व्याघ्र प्रकल्प आहे.सातपुडा पर्वतराजीत कोरकू,गोंड,माडिया इत्यादी जमातींचे आदिवासी लोक राहतात.चिखलदर्‍याच्या परिसरात कॉफीचे उत्पादन होते.दाट जंगले व नागमोडी वळणांचे घाटरस्ते यामुळे हा भाग विदर्भाचे गिरीस्थान म्हणून ओळखला जातो.