कुणकेश्वर

कुणकेश्वर मंदिर प्राचीन असून यादवकालीन आहे.छत्रपती शिवरायांनी नीळकंठ बावडेकरांकरवी या मंदिराचा जीर्णोद्धार केला आहे.जांभ्या खडकावरील शिवलिंगावर काळ्या पाषाणाची शाळुंखा आहे.मंदिराच्या सागरतटाकडील भागाकडे भक्कम बांधीव तट घातला आहे.मंदिराचा कळस भव्य असून त्याची रचना वैशिष्ट्यपूर्ण आहे.

मंदिर परिसरातील समुद्रकिनारी एकवीस शिवलिंगे आढळतात. कित्येक वर्ष समुद्राच्या पाण्यामध्ये असणारी ही शिवलिंगे अजूनही सुस्थितित आहेत. ही शिवलिंगे पांडवानी घडविलेली आहेत असे म्हणतात.कुणकेश्वर मंदिराच्या जवळ काही प्राचीन लेणी आढळतात.मुंबई-गोवा महामार्गावर असलेल्या देवगडहुन अवघ्या १८ किमी.अंतरावर कुणकेश्वर आहे.