महाबळेश्वर

समुद्रसपाटीपासून महाबळेश्वर अंदाजे ४५०० फूट उंचीवर आहे.सातार्‍याचे प्रतापसिंह महाराज यांनी सन १८१८ ते १८३० च्या दरम्यान हे ठिकाण विकसीत केले.महाबळेश्वर येथे कृष्णा, कोयना, वेण्णा, सावित्री व गायत्री या पाच नद्यांचा उगम झालेला आहे.

श्री क्षेत्र महाबळेश्वर, येथील महादेवाचे मंदिर प्रसिध्द आहे.स्ट्रॉबेरीच्या बागा,फुला-फळांच्या रोपवाटिका,घनदाट झाडी यामुळे महाबळेश्वर पर्यटकांचे आवडते थंड हवेचे ठिकाण आहे. सातारा जिल्ह्यातील वाई पासून हे ठिकाण खूप जवळ आहे.